ພູມຄຸ້ມກັນຈາກວັກຊີນເຂັມທີ 4 ອາດຫຼຸດລົງເທົ່າເກົ່າຫຼັງອາທິດທີ 8.

0
109

ພູມຄຸ້ມກັນຈາກວັກຊີນເຂັມທີ 4 ອາດຫຼຸດລົງເທົ່າເກົ່າຫຼັງອາທິດທີ 8.ສຳນັກຂ່າວ CNN ລາຍງານວ່າ: ຜົນການສຶກສາກໍລະນີຜູ້ທີ່ສັກວັກຊີນ ໃນ ປະເທດ ອິດສະຣາເອລ ພົບວ່າ ພູມຄຸ້ມກັນທີ່ໄດ້ຈາກວັກຊີນປ້ອງກັນ ໂຄວິດ-19 ເຂັມທີ 4 ຈະສູງຂຶ້ນໃນຊ່ວງ 4 ອາທິດທຳອິດ ແລະ ຈະຫຼຸດລົງຢ່າງໄວ ຫຼັງຈາກຜ່ານອາທິດທີ 8 ເປັນຕົ້ນໄປ.

ການສຶກສາດັ່ງກ່າວ, ໄດ້ຖືກຕີພິມໃນ ວາລະສານການແພດ New England Journal of Medicine, ໂດຍໄດ້ບັນທຶກດ້ານສຸຂະພາບຂອງຜູ້ທີ່ໄດ້ຮັບວັກຊີນຫຼາຍກວ່າ 1,25 ລ້ານຄົນ ທີ່ໄດ້ຮັບວັກຊີນປ້ອງກັນ ຢູ່ໃນອິດສະຣາເອລ ທີ່ມີອາຍຸ 60 ປີຂຶ້ນໄປ ຕັ້ງແຕ່ເດືອນ ມັງກອນ ຫາ ເດືອນ ມີນາ 2022, ເຊິ່ງເປັນຊ່ວງທີ່ ໄວຣັສ Omicron ລະບາດເປັນສາຍພັນຫຼັກ.
ໂດຍຄົນທີສັກວັກຊີນເຂັມທີ 4 ຈະມີໂອກາດຕິດເຊື້ອ ໂຄວິດ-19 ຫຼຸດລົງ ເມື່ອທຽບກັບຄົນທີສັກວັກຊີນພຽງ 3 ເຂັມ ປະມານ 3,5 ເທົ່າ.

ແຕ່ການປ້ອງກັນນີ້ອາດຈະບໍ່ຄົງທົນ ຍ້ອນອັດຕາການຕິດເຊື້ອ ໂອມິຄຣອນ ຂອງຄົນທີ່ສັກວັກຊີນເຂັມທີ 4 ໃນ 4 ອາທິດທຳອິດ ເຖິງຈະຫຼາຍກວ່າຄົນທີ່ສັກເຂັມ 3 ປະມານ 2 ເທົ່າ ແຕ່ຈະຫຼຸດລົງເຫຼືອ 1,1 ເທົ່າ ເມື່ອຜ່ານອາທິດທີ 8 ເປັນຕົ້ນໄປ.

ຖ້າຈະທຽບງ່າຍໆ ແບບບໍ່ໃຊ້ໂຕເລກກໍຄື ການສັກວັກຊີນເຂັມ 4 ເພື່ອເປ້ອງກັນ ໂອມິຄຣອນ ຢ່າງມີປະສິດທິພາບໄດ້ປະມານ 4 ອາທິດ ແລະ ເກືອບຈະບໍ່ຕ່າງຈາກຜູ້ສັກເຂັມ 3 ເລີຍ ເມື່ອຜ່ານໄປ 8 ອາທິດ.ແຕ່ເຖິງຢ່າງໃດກໍຕາມ ລັດຖະບານ ອິດສະຣາເອລ ກໍຍັງແນະນຳໃຫ້ສັກວັກຊີນເຂັມທີ 4 ໃຫ້ກັບກຸ່ມສ່ຽງ ແລະ ຜູ້ທີ່ສູງອາຍຸ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.