ຖືກປົດປ່ອຍອອກຈາກທະຫານຍ້ອນສວຍໃຊ້ອຳນາດກໍ່ຮົ້ວກຳແພງເອົາທາງເຂົ້າອອກເຮືອນປະຊາຊົນ

0
147

ຖືກປົດປ່ອຍອອກຈາກທະຫານຍ້ອນສວຍໃຊ້ອຳນາດກໍ່ຮົ້ວກຳແພງເອົາທາງເຂົ້າອອກເຮືອນປະຊາຊົນ

ກະຊວງ ປ້ອງກັນປະເທດ ປົດນາຍທະຫານອອກຈາກກຳລັງ ຍ້ອນສວຍໃຊ້ອຳນາດໜ້າທີ່ຕຳແໜ່ງເຈດຕະນາກໍ່ຮົ້ວກຳແພງເອົາທາງສາທາລະນະເຂົ້າ-ອອກເຮືອນປະຊາຊົນ ມາເປັນຂອງຕົນ ທີ່ເປັນຂ່າວດັງໃນໂລກໂຊຊ່ຽວຜ່ານມາ.
ອີງຕາມກົດໝາຍ ວ່າດ້ວຍນາຍທະຫານກອງທັບປະຊາຊົນລາວ (ສະບັບປັບປຸງ) ເລກທີ 43/ສພຊ, ລົງ ວັນທີ 14/06/2018 ໝວດທີ II ມາດຕາ 38 ແລະ ມາດຕາ 39,

  • ອີງຕາມການກະທໍາຜິດຂອງ ພັທ ສົມພານ ຈະເລີນສັກ ເຊິ່ງມີຄວາມຜິດໃນສະຖານ: ສວຍໃຊ້ອຳນາດ ໜ້າທີ່ ຕຳແໜ່ງນາຍທະຫານ, ມີເຈດຕະນາເຄື່ອນໄຫວ ກໍ່ຮົ້ວກໍາແພງເອົາທາງສາທາລະນະເຂົ້າ-ອອກເຮືອນປະຊາຊົນ ເພື່ອເປັນຂອງຕົນເອງ ສ້າງຄວາມເດືອດຮ້ອນໃຫ້ແກ່ປະຊາຊົນທີ່ຢູ່ໃກ້ຄຽງ, ການກະທຳດັ່ງກ່າວ ແມ່ນຜິດຕໍ່ກົດລະ ບຽບ 12 ຂໍ້ຫ້າມ ຕໍ່ປະຊາຊົນ ແລະ ຄໍາປະຕິຍານ 8 ຂໍ້ ຂອງກອງທັບປະຊາຊົນລາວ ແຕະຕ້ອງເຖິງທາດແທ້ມູນເຊື້ອ ອັນດີງາມຂອງກອງທັບ ທີ່ມີຕໍ່ປະຊາຊົນບັນດາເຜົ່າເຮັດໃຫ້ເຊື່ອມເສຍກຽດສັກສີ ແລະ ພາບພົດບົດບາດຂອງ ກອງທັບປະຊາຊົນລາວ.

ອີງຕາມກອງປະຊຸມຕົກລົງເຫັນດີເປັນເອກະພາບ ຂອງຄະນະປະຈຳພັກ ກົມໃຫຍ່ການເມືອງກອງທັບ ຄັ້ງ ວັນທີ 10/11/2021.
-ກະຊວງປ້ອງກັນປະເທດຕົກລົງ

ມາດຕາ 01: ປະຕິບັດວິໄນຕໍ່ ພັທ ສົມພານ ຈະເລີນສັກ ອາຍຸ 54 ປີ, ໜ້າທີ່ຮັບຜິດຊອບ: ຫົວໜ້າພະແນກ ຄົ້ນຄວ້າວິທະຍາສາດ ແລະ ຊອກຄົ້ນວັດຖຸພັນ ຫໍພິພິທະພັນປະຫວັດສາດກອງທັບ, ກອງປະຈຳກົມໃຫຍ່ການເມືອງກອງທັບ.

  • ເຂົ້າການປະຕິວັດ ວັນທີ 01/08/1984, ເຂົ້າທະຫານວັນທີ 01/08/1984
  • ເຂົ້າພັກສຳຮອງວັນທີ 23/10/2008, ເຂົ້າພັກສົມບູນ ວັນທີ 14/08/2009 ມີດັ່ງນີ້:

  1. ເອົາອອກຈາກສະມາຊິກພັກປະຊາຊົນປະຕິວັດລາວ,
  2. ປົດປ່ອຍອອກຈາກກອງທຶນ, ຄິດໄລ່ເງິນອຸດໜູນອອກທະຫານ ໃຫ້ຕາມຊັ້ນ ພັນໂທ.
  3. ຖອດບັດສະມາຊິກພັກ, ບັດຖືປືນ ແລະ ໃບຂັບຂີທະຫານ(ຖ້າມີ),
  4. ປະກາດຮູບການລົງວິໄນ ທົ່ວອົງການ ກົມໃຫຍ່ການເມືອງກອງທັບ ແລະ ທຳພິທະພັນປະຫວັດສາດກອງທັບ.
    ມາດຕາ 2: ມອບໃຫ້ອົງການ, ກົມກອງທີ່ກ່ຽວຂ້ອງ ແລະ ທ້າວ ສົມພານ ຈະເລີນສັກ ຈົ່ງດັບຮູ້ ແລະການຈັດຕັ້ງປະຕິບັດໃຫ້ຖືກຕ້ອງ ແລະ ເຂັ້ມງວດ,
    ມາດຕາ 03 ຂໍ້ຕົກລົງສະບັບນີ້ມີຜົນສັກສິດນັບແຕ່ມື້ລົງລາຍເຊັນເປັນຕົ້ນໄປ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.