ເມື່ອວັນທີ 26 ກໍລະກົດ 2021 ນີ້, ສຳນັກຂ່າວ ຊິນຫົວ ລາຍງານວ່າ ຊາວຈີນໃນນະຄອນ ຕຸນຫວງ ມົນທົນ ການຊູ່ ທາງພາກຕາເວັນຕົກສ່ຽງເໜືອຂອງປະເທດປະເຊີນກັບພາຍຸຊາຍຂະໜາດໃຫຍ່ພັດຖະຫຼົ່ມຈົນບັນຍາກາດ ມືດຟ້າມົວດິນ ເມື່ອວັນອາທິດທີ 25 ກໍລະກົດຜ່ານມາ.
ຕາມລາຍງານລະບຸວ່າ ມີການແຈ້ງເຕືອນໄພພາຍຸຊາຍລະດັບສີເຫຼືອງຕອນເວລາ 15:04 ໂມງ ຕາມເວລາທ້ອງຖິ່ນ ໂດຍພາຍຸຊາຍສົ່ງຜົນໃຫ້ທັດສະນະວິໄສການເບິ່ງເຫັນຫຼຸດລົງຕໍ່າສຸດເຫຼືອພຽງ 791 ແມດ.
ທັງນີ້ຈີນມີລະບົບເຕືອນໄພສະພາບອາກາດສຳລັບພາຍຸຊາຍທີ່ແບ່ງອອກເປັນ 4 ລະດັບ ໂດຍສີແດງ ສະແດງເຖິງຄວາມຮຸນແຮງສູງສຸດ, ຮອງລົງມາສີສົ້ມ, ສີເຫຼືອງ ແລະ ສີນໍ້າເງິນ.
